11 Сен 2015
Канон священноисповеднику Виталию, Митрополиту Нью-Йоркскому, Первоиерарху Русской Православной Церкви.
Егоже краестрочие:
Страдания святителя Виталия воспоем усердно, боголюбивии.
Глас 4
Песнь 1

Ирмос: Отверзу уста моя, и наполнятся духа, и слово отрыгну Царице Матери, и явлюся светло торжествуя, и воспою радуяся Тоя чудеса.
Припев: Святителю отче Виталие, моли Бога о нас

Слове Божий, Единородный Сыне Отечь, даждь ми ум, да воспою страдания угодника Твоего святителя Виталия, иже от лжебратий гонение велие претерпе.

Тебе, святителю Божий, крест зело тяжкий носяща, в видении узре мученик Иосиф, разумеюще яко многими скорбями подобает ти внити в райския обители.

Распята тя на кресте в видении мученик Иосиф узревше, ужасеся зело и верным послежде поведа о сем, яко во страданиях велиих венец неувядаемыя славы от Господа получиши.

Аще и ведал о грядущих страданиях, святителю преблаженный, но никогдаже в малодушие не поверглся еси, Промыслу Божию всего себе предавше.

Слава: Доброту души твоея Господь зряще, венцем исповедническим увенча тя, яко паче адаманта тверд и непоколебим в Православии пребыл еси.

И ныне: Афонской Горы Игумения Милосердная, мученику Иосифу Свой образ Иверский даровала еси, душу его велией радостию озаривше.

Песнь 3

Ирмос: Твоя песнословцы, Богородице, живый и независтный Источниче, лик Себе совокупльшия духовно утверди, в божественней твоей славе венцев славы сподоби.

Нетленной жизни причастие чающе, чашу скорбей свыше приял еси, да горечью ея вечныя сладости приобщишися.

Истину Христову на сердце своем начертавше, лукавство сергианское конечне от себе отвергл еси, новомученикам Российским подражающе.

Якоже столп непоколебим в Церкви Христовой явился еси, верныя шествовати истинным путем наставляюще.

Соборище отступников не терпяще ревности твоея о церкви Христовой, велией злобою противу тебе распыхахуся.

Слава: Велие лукавство окрест себе узревше, прельщения лжебратий от себе отринул еси, верныя шествовати путем Истины Христовой призвавше.

И ныне: Якоже крин благоуханный явися в Церкви Христовой Твоя пречудная икона, Владычице, миром благоуханным от сна греховнаго человецы пробуждающе.

Седален, глас 4

Тщету прелестей жития мирскаго уразумев, монашеский образ восприял еси, Виталие преславный. От Господа же таланты приемше, преславно их преумножил еси, неленостно в винограде Христовом потрудившися.

Слава : и ныне:

Пречистая Владычице, покрый покровом Твоим Церковь Христову, благовернаго Цесаревича нашего и верныя люди Твоя, да тобою от враг видимых и невидимых ограждаеми, неленостно воспеваем преславное Рождество Твое.

Песнь 4

Ирмос: Седяй во славе, на Престоле Божества, во облаце легце, прииде Иисус Пребожественный, нетленною дланию, и спасе зовущия: слава, Христе, силе Твоей.

Твое непоколебимое стояние в Истине узревше, архиереи-отступницы к безумным ввергнути тя умыслиша.

Истины поборниче, како возможем достойно воспети страдания твоя, имиже яко бисером душу украсил еси.

Тебе к безумным ввержена зряще, вострепета земля и ужаснушася вернии, гонителие же твои безчуственни пребыша.

Евангельским путем многоскорбным шествуя, заповеди Господни на скрижалех сердца своего начертал еси, святителю Божий.

Слава: Людие, егда услышаша, яко гнев Божий постиже обитель, запалению огненному преданную, познаша яко поругание твое Господь без отмщения не остави.

И ныне: Явление мира благоуханнаго на Иверской иконе Твоей мученик Иосиф узревше, в радостный трепет прииде, со умилением зовуще Тебе: Радуйся, Благая Вратарнице, двери райския верным отверзающая.

Песнь 5

Ирмос: Ужасошася всяческая о божественней славе Твоей: Ты бо, Неискусобрачная Дево, имела еси во утробе над Бога, и родила еси безлетнаго Сына: всем воспевающим Тя мир подавающая.

Восстание противу себе лжебратий, в совет разбойничий вменяюще, отступство их грозно обличил еси, пророку Илии подражающе.

Измену и боязнь окрест себе узревше, горце скорбел еси, яко путем отступства мнозии поидоша.

Телесными немощами обремененный, душевными скорбями уязвлен был еси, Церковь Христову зряще разделяему.

Ангел Хранитель воистину для верных, святителю Христов, явился еси, от погибельнаго пути души их сохранивше.

Слава: Любовию ко Христу язвленнии, собори верных непоколебимое шествие твое путем Истины узревше, радовахуся зело, о тебе Господа прославляюще.

И ныне: Иверскую икону миро источащую зряще, святитель Виталий на руце свои прием ю и велией радости исполнившися, Божией Матери благодарения вознесе, похвальная пения Ей воспевающе.

Песнь 6

Ирмос: Божественное сие и всечестное совершающе празднество, богомудрии, Богоматере, придите руками восплещим, от Нея рождшагося Бога славим.

Якоже зверии человеконенавистнии явишася врази твои, тя угодниче Божий, многим скорбям и гонению неустанно предающе.

Видеша окрест себе врагов, злобою адскою дышущих, оградил себе силою
Креста Господня, Еюже расточишася врази твои.

Страницы